رمضان جانا هل هلاله

ياااااااااااااه بعد يومين اتنين ييجي رمضان وبرده بعد يومين نلاقيه خلص

كنت زمان اسمع الناس الكبيره تقول بعد صلاة الظهر في اول يوم رمضان

تقول بحزن ... يااااه والله وخلصت يا رمضان باقي عليك عشرتين وتسعة وباقية النهار

يعني مع اول يوم رمضان ما يقرب يخلص باقي الشهر الكريم بيخلص بسرعه والناس مش بتحس بيه

هو ده رمضان اللى بيجمع الاهل كلهم على السفره وقت الاكل بعد ما كان كل واحد فيهم بياكل لوحده أحياناً

وبرده رمضان اللى بيجمعنا لحد الصبح فى قراءة القران الكريم ونشوف مين هيختمه الاول

وياسلام بئى لو حد قدر يختمه اكتر من ختمهفى رمضان يااااااااااه بيكون إحساس جميل اوى اوى

تعرفوا انا فاكره زمان وانا صغيره كنت بعد الفطار على طول أجري للفانوس وأقف في البلكونه وأغني للفانوس

وكمان أيام ما كنت بجوع اوى ومش بقدر أكمل اليوم وماما وأخواتي يحاولوا يصبروني على الصيام وانا ابداً دماغي مصفحه وأصرخ وأقول جعااااااااااااااااااااااااااااااانه لحد يا عيني لما بصعب على بابا ويخليني أفطر كده فى الخباثه الاول

ياااااااه يا رمضان ياريتك طول السنه