هي الدنيا كده

هى ليه الدنيا كده ، ليه صعبه وقاسيه اوي كده

حتى لما نحلم حلم جميل نصحى منه على واقع صعب مرير

هو انا لوحدي اللى شيفاها كده ولا كل الناس

انا لوحدي اللى شايفه الدنيا قاسيه فى حلمنا زى ما هى قاسيه فى واقعنا ولا انا ببالغ شويه

ياريتنى اكون ببالغ ، كتير اوى بنشوف الحياه جميله وكن جميلاً ترى الوجود جميلاً على رأي ايليا أبو ماضي

بس اللى اكتر منها اننا نشوفها رمادي بس رمادي غامق شويتين

نشوف كل حاجه غامقه حتى الضحكه صعبه اوى تخرج من القلب

كنت دايماً بقول ان احلى حاجه فى الدنيا ان يكون قصاد عنينا هدف ونحاول نوصله

لكن حتى الهدف بئى من غير ملامح بئى هدف اعمى ماشي وخلاص ومش عارف رايح على فين

معلش انا مزوداها شويه او مغمقاها على رأى اللى قال

لكن نعمل ايه بئى المود النهارده رمادي خالص